Rockin'13

Rockin’13 “mira ao ceo”

2011-01-16T08:43:00.000-08:00

A banda de rock máis lonxeva do Val de Barcala está preparando neste 2011 un completo calendario de actividades que incluirá a grabación da súa segunda maqueta, “Mirar ao Ceo” e do seu primeiro videoclip, baixo o mesmo nome. Ademais, Rockin’13 ofrecerá un concerto de presentación con motivo do lanzamento da súa segunda maqueta con data e lugar aínda por determinar. Xa hai un par de datas faladas para ofrecer outros dous concertos no primeiro semestre de 2011 das que xa vos iremos dando cumprida conta. A grabación do videoclip “Mirar ao Ceo” realizaráse na fin de semana do 4, 5 e 6 de febreiro, en Negreira, para o que necesitaremos a vosa axuda como extras dun concerto que terá lugar nun coñecido pub a vila barcalesa. Pronto vos citaremos nel para que todos os seguidores da banda que así o desexan poidan aparecer no noso primeiro videoclip. ¡¡Larga vida a Rockin’13!!

Este-Band, o proxecto alternativo de Rockin’13, dará un concerto este venres en Santa Comba

2010-09-06T08:25:00.000-07:00

Rockin’13 volve a pisar un escenario neste ano de transición no que está cobrando vida o proxecto paralelo Este-band. Coa ausencia do batería da banda, Esteban García, os catro membros restantes de Rockin’13 puxéronse mans a obra para seguir compoñendo e levando a súa música por todolos rincóns das comarcas de Barcala, Xallas e os arredores da capital.

Deste xeito, este venres 10 de setembro Este-Band ofrecerá un concerto no Pub Trisquel, de Santa Comba, a partir das 22:30 horas. A banda repasará os temas clásicos de Rockin’13, coma “Me Voy”, “Pregúntale al Sol” ou “Juerga”, en versión acústica. Ademais, presentará dous temas novos, unha canción instrumental composta por ‘Pancho’ Cancela e unha incursión no blues-rock en galego.

Como é habitual nos concertos da banda barcalesa, tamén haberá oco para lembrar os mellores clásicos do rock, desta volta cunha perspectiva diferente, coa inclusión nalgúns temas de instrumentos coma o saxofón e o caixón. O jazz tamén fará acto de presencia nun par de temas instrumentales, para logo dar paso a un peche de concerto intenso e rockanroleiro.

Este-Band e Rockin’13 animan a todos os amantes da música en directo e do rock and roll a acudir este venres ao Pub Trisquel da capital xalleira.

Pancho debuta no Nicrarock co proxecto paralelo Pitman Rock Classics

2010-07-21T03:20:00.000-07:00

O pasado venres celebrouse en Negreira unha nova edición do Festival Nicrarock, un clásico no que Rockin'13 tamén estivo fai uns anos. Un ano máis, a representación de Rockin'13 estivo formada por Pancho. Se o ano pasado colaboraba con Marmota Phil nalgúns temas ao saxo, desta volta o noso alma máter puxo a voz cantante ao proxecto paralelo Pitman Rock Classics. Aquí o podedes ver en acción cos ex Indecisos Pablo (guitarra) e Juan (batería), e con Óscar de Marmota Phil no baixo. Pitman pecharon o Nicrarock coas versións dos mellores clásicos do rock, como por exemplo Heart Full of Soul, de Yardbirds (aquí podedes ver un pedaciño http://www.youtube.com/watch?v=nlcCBy9r_-s).

Doutra banda, en Rockin'13 seguimos traballando para ofrecervos novos temas e máis concertos cara o mes de setembro. Estade atentos ás novidades que vos iremos poñendo desde aquí. Un saúdo a todos!!

Rockn'13 fará unha actividade didáctica este venres nun colexio

2010-06-07T03:09:00.001-07:00

Os membros de Rockin'13, salvo Miki, estarán este venres no colexio Santa Apolonia de Santiago de Compostela, onde Pancho exerce as veces de mestre (iso di!!!). Irán a facer unha actividade didáctica con rapaces de 8 anos en diante, na que lles ensinarán os segredos de instrumentos coma a batería, o baixo, a guitarra ou o saxofón.

Ademais de conversar e respostar as dúbidas dos rapaces, interpretarán temas fácilmente recoñecibles para os nenos e nenas do colexio. Así, Rockin'13 cambiará por unhas horas o seu repertorio habitual para versionar as sintonías de series de televisión coma Los Simpson, Bob Esponja, El Equipo A ou La Pantera Rosa.

Doutra banda, Rockin' 13 está agardando confirmar unha nova actuación a finais deste mes, así que estade atentos que vos iremos informando nas próximas semanas. Unha última cousiña, un favorciño que vos pedimos. Rockin'13 está participando no concurso "Vas sacar nota"" da Radio Galega, cun tema orixinal de Pancho. Se clickades aquí http://ww3.crtvg.es/vas-sacar-nota/?paged=2, podedes escoitar o tema "Solo podo pararme a escoitar" e darnos un voto, imos terceiros, así que coa vosa axuda a ver se damos o salto e podemos gañar o concurso. Podedes votar unha vez ao día. A que esperades!!

Esteban e Little participaron na II Jam Session do Pub O Foso

2010-02-05T15:05:00.000-08:00

O pasado fin de semana o Pub O Foso de Santa Comba, acolleu a II Jam Session entre músicos xalleiros e barcaleses, entre outros. A esta cita non puideron faltar Esteban García e Rubén Mayo "Little", batería e baixo de Rockin' 13, respectivamente. Acompañados de músicos doutras formacións coma Kaña d'Herbas ou Marmota Phil, tocaron temas tan míticos coma Heroin (Velvet Underground) ou About a Girl (Nirvana), entre outros.

Os internautas escollen "Me Voy" como a mellor canción de Rockin'13

2009-11-30T12:48:00.000-08:00

Tras varias semanas coa enquisa sobre o mellor tema de Rockin'13 en liza, xa temos o resultado final das votacións. Cun total de 19 sufraxios, a canción "Me Voy" resultou elixida coma o noso mellor tema. Así quedou a cousa:

1º Me Voy (7 votos)

2º Juerga (4 votos)

3º Pregúntale al Sol (3 votos)

4º Miradas Raras (3 votos)

5º Nací para el Rock and Roll (2 votos)

En breve teredes unha nova enquisa, e algunha que outra noticia sobre a xira de Nadal!!

Rockin'13 tamén estivo na Jam Session do Foso

2009-11-16T12:04:00.000-08:00

Aqui vedes a Pancho de Rockin'13 e a Efrén de Kaña d'Herbas na Jam Session deste venres pasado que un dos nosos sitios preferidos de Santa Comba, o Foso, tuvo o pracer de poñer en marcha. Nela, ademais de membros de Rockin'13 e dos citados Kaña d'Herbas tamén participaron músicos de Xan Solo ou de Marmota Phil, entre outros. Pola nosa parte, felicitamso ao Foso e aos seus encargados por este tipo de iniciativas e por apoiar sempre o rock and roll. Polo demais, Rockin'13 seguimos preparando novos temas e novos concertos para o Nadal, así que estade atentos que pronto estaremos nos escenarios!!

Nova gama de roupa específica para músicos, visita Guitar Calavera

2009-11-04T10:36:00.000-08:00

Se vos gusta o rock, se sodes músicos ou se simplemente vos gusta vestir coa roupa dos vosos grupos favoritos, aquí tedes unha nova oferta para ampliar o voso fondo de armario. Botade un vistazo en http://pablovillaverde.com/guitarcalavera/

Este é o lema da súa campaña de promoción:

Guitar Calavera. Diseños para tódolos gustos. Para los guitarristas, para los bajistas, para los bluseros, para los heavys, para los shreders, para los que tienen el pelo largo, para los que visten de negro, para los que no se visten, para los metaleros, para ti, para mi, para Mick Jagger, para Slash, para las hijas de Zapatero, para los ZZ Top... Si te gusta el rock y vistes con las camisetas de tus grupos preferidos, pon una Guitar Calavera en tu fondo de armario y anima a tus amigos a convertirse en guitarcalaveras!!

Xa están subidas as fotos do concerto do Foso

2009-10-19T14:44:00.000-07:00

Xa están colgadas as fotos do último concerto de Rockin'13, o pasado 3 de outubro no pub Foso de Santa Comba. Podedes ve-las no enlace da marxe dereita, clickando nel levavos ao álbum Picasa de Rockin'13. E se tedes algunha foto máis non dubidedes en poñervos en contacto con nós. Estes días Rockin'13 estamos de descanso tras preparar con moito ánimo os tres concertos de retorno, e pronto imos traballar nos vindeiros, que serán previsiblemente cara finais de ano. A todos os que estivestes con nós nestes meses, moitas gracias e vémonos nos escenarios!!

Concerto de Rockin'13 o sábado 3 de outubro no Pub Foso (Santa Comba)

2009-09-27T04:20:00.000-07:00

O Pub O Foso de Santa Comba será escenario este sábado día 3 de outubro do terceiro concerto da xira de retorno de Rockin'13. Estades todos convidados, será a iso das 23:30 horas e haberá algún tema novo e varias versións que vos sorprenderán. Temos moitas ganas de dar un bo espectáculo, vémonos alí!!!!

Rockin'13 estivo presente no Nicrarock coa colaboración de Pancho no concerto de Marmota Phil

2009-09-21T04:58:00.000-07:00

O noso polifacético compañeiro Pancho prestou a súa colaboración este venres na edición 2009 do Nicrarock tocando un par de temas no saxo cos amigos de Marmota Phil, nun dos mellores momentos do festival. Esta colaboración tamén a fixo a inicios deste mes en A Baña no II Denosiñas Rock, non só con Marmota Phil senón tamén con Xan Solo. A incorporación do saxo nalgúns temas é outra das novidades de Rockin'13 na súa xira de retorno, algo posible tamén gracias á incorporación de Rubén "Little" no baixo, o que permite que Pancho diversifique as súas dotes musicais. Aquí tedes outra imaxe do Nicrarock...

Doutra banda, seguimos a preparar os concertos de primeiros do mes de outubro, xa vos manteremos informados!!

Nova na Voz de Galicia sobre o I Xantar Carnavaleiro que contou coa actuación de Rockin'13

2009-09-20T06:58:00.000-07:00

Este sábado Rockin'13 tivo o pracer de sumarse á festa dos Carnavaleiros de Barcala, ofrecendo un concerto sobre as once da noite no refuxio de Covas de Negreira. Aquí vos deixamos a noticia que o noso amigo de Radio Negreira Emilio Forján "Harris" elaborou para o xornal La Voz de Galici, e na que cita a Rockin'13.

El primer xantar entroideiro celebrado ayer por los Carnavaleiros de Barcala en el área recreativa de Covas reunió a más de medio centenar de comensales, que asistieron a la misa oficiada por el Papa Benedicto XVII, auxiliado por un párroco de la comarca, y con la inestimable colaboración del presidente de la asociación de Empresarios de Negreira, Ramiro Furelos, siempre dispuesto a echar una mano allá donde le requieren.

Por supuesto que la misa estuvo salpicada del característico y mordaz sentido del humor de la comparsa decana del entroido barcalés, que próximos a la treintena de miembros, empiezan a argallar planes de cara al que será su veinticinco aniversario, en el desfile del entroido del año 2012.

La jornada lúdica en el incomparable marco del refugio de Covas estuvo acompañada de la música del dúo Osmar, que amenizó la sesión vermú, así como la actuación del grupo de rock bañés Rockin'13, ya que a la vez, algunos de sus componentes forman parte de la nueva hornada de que se alimentan los Carnavaleiros de Barcala, cuyo gran maestro, Juan Varela, fue agasajado por sus propio compañeros con un ramo de flores, en reconocimiento a una ardua trayectoria como entroideiro de más de veinte años.

Rockin'13 ofrece o sábado 19 o segundo concerto da xira de retorno

2009-09-18T04:44:00.000-07:00

O refuxio de pescadores de Covas (Negreira) acolle mañá o segundo concerto da xira de retorno de Rockin'13 a partir das dez e media da noite. Para que os nosos fans non pasen sede haberá instalado un bochinche con refrescos e licores varios a prezos asequibles. O concerto celébrase no marco do I Xantar Carnavaleiro dos antroideiros de Barcala, comparsa que leva 22 anos animando os Entroidos de Negreira e A Baña. Desde o mediodía haberá en Covas xantar campeste con polbo, churrasco, postre e viño a un prezo de 25 euros (retirada de tickets na Esmorga, no Oasis, no Trisquel, no Hotel Tamara, no Arranca, na Parrillada Val de Barcala e no Milos). Haberá sesión vermú a cargo do dúo OSMAR, que volverá actuar despois do xantar. Pola tarde tamén haberá sorteos e agasallos para todos os asistentes, e o peche da festa correrá a cargo de Rockin'13 a iso das dez e media. Vémonos alí!!!!

Unhas 250 persoas vibraron en Chans co rock barcalés no II Denosiñas Rock

2009-09-14T05:13:00.000-07:00

A área recreativa de Chans acolleu o pasado venres a segunda edición do Festival Denosiñas Rock, organizado pola Asociación Xuvenil, Cultural e Deportiva Lumieira en colaboración co Concello de A Baña. Ao longo da noite unhas 250 persoas saltaron e brincaron coa música en directo de Xan Solo, Marmota Phil, Pito de Pikasso, Rockin’13 e Kaña de Herbas. O festival comeza así a consolidarse coma unha cita obrigada para os amantes do rock nos arredores de Compostela.

O tempo acompañou na noite do venres e os seguidores da boa música e do rock en directo achegáronse a Chans para reencontrarse co Festival Denosiñas Rock, que organizou novamente o colectivo xuvenil Lumieira. Tras un ano de parón, a cita serviu para amosar que o rock segue vivo na comarca barcalesa, congregando ademais a persoas de Santiago, Santa Comba, Ames ou Brión. O esforzo de Lumieira, ao incorporar máis grupos ao cartel e un equipo de son máis potente, recibiu a resposta do público.

O festival arrancou pasadas as dez da noite, coa actuación do polifacético artista local Xan Solo, que sorprendeu gratamente aos presentes coas súas letras provocativas e cargadas de dobre sentido. Coa guitarra acústica coma única compañeira, ademais do saxo de Alberto Cancela Pancho en tres temas, Xan Solo repasou cancións dos seus traballos “Cancións informais” e “Un lánguido poema arde”. Acto seguido subiu ao escenario a banda negreiresa Marmota Phil, que demostrou as súas boas maneiras e o seu paso cara un estilo máis indie, como se aprecia na súa maqueta “At the Stairs”.

A terceira banda en actuar no Denosiñas Rock foron os santiagueses Pito de Pikasso, que agradaron ao público barcalés co seu punk-rock desenfadado e gamberro. Ataviados con faldas escocesas, Pito de Pikasso expuso sobre o palco de Chans boa parte dos temas do seu disco “Kraksh”. A estas alturas da noite o público xa estaba máis que animado tras tres actuacións de grande nivel.

O punto álxido chegou coa volta aos escenarios da banda bañesa Rockin’13, que presentaba cambios na súa formación que foron moi ben recibidos polos seus seguidores. Cunha mistura de temas propios da maqueta “Sin Aire para Respirar” e varias versións de clásicos coma Led Zeppelin ou Loquillo, Rockin’13 agradou no seu esperado retorno. Entrando na madrugada foi o turno dos negreireses Kaña de Herbas, que con temas propios moi movidos e versións clásicas do rock galego remataron a festa por todo o alto.

Organización

A segunda edición do Festival Denosiñas Rock foi valorada de xeito positivo pola Asociación Xuvenil, Cultural e Deportiva Lumieira, destacando o éxito de participación por parte do público e o gran nivel amosado por tódalas bandas. “Temos que agradecer a tódolos grupos a súa colaboración ao longo de todo o día”, sinalou tralo festival o membro de Lumieira Alberto Cancela. “Agardamos que o ano que vén poidamos continuar co festival e preparar unha terceira edición á altura das anteriores”. Cancela tamén quixo agradecer a colaboración prestada polos Concellos de A Baña e Santa Comba.

Ademais, tanto a organización coma os grupos quedaron moi contentos coa empresa encargada do sonido, Más DB’S, cuxo traballo engadiu espectacularidade ao evento. Tralo éxito acadado na segunda convocatoria, o festival comeza a consolidarse coma un referente do movemento rockeiro de Barcala e zonas limítrofes. A terceira edición do Denosiñas Rock dará continuidade ás actividades de Lumieira en A Baña. Desde a súa creación, o colectivo xuvenil organizou as festas patronais no municipio, un torneo de fútbol 7 e espectaculares carrozas para os Carnavais de Barcala e dos arredores.

Rockin' 13 retorna aos escenarios no II Festival Denosiñas Rock en A Baña o 4 de setembro

2009-09-02T07:17:00.000-07:00

A área recreativa de Chans será escenario o vindeiro venres 4 de setembro da segunda edición do Festival Denosiñas Rock, organizado pola Asociación Xuvenil, Cultural e Deportiva Lumieira en colaboración co Concello de A Baña. A música en directo arrancará ás 9 e media da noite, e contará coa actuación de cinco grupos da comarca e arredores: Xan Solo, Marmota Phil, Pito de Pikasso, Rockin’13 e Kaña de Herbas.

O colectivo xuvenil Lumieira retoma a celebración deste festival de rock, que tivo a súa primeira edición no ano 2007 coa participación dos grupos Rockin’13, Trifulca e The Molestons. Tras un ano de transición no que Lumieira se centrou en organizar actividades como as festas patronais da Baña e un torneo de Fútbol 7 no municipio, ou destacar con imponentes carrozas nos Carnavais de Barcala e arredores; os nove integrantes da Asociación plantexáronse este ano recuperar o festival baixo o nome de Denosiñas Rock.

O concerto terá lugar na explanada de Chans, fronte ao edificio multiusos do Concello. Nel terá instalado a organización o tradicional bochinche, a tan só uns metros do palco desde o que as cinco formacións invitadas ofrecerán a súa música en directo. Esta é unha das novidades con respecto á primeira edición, ademais dun potente equipo de son que instalará a empresa DB’S. A entrada ao recinto será gratuita.

As bandas

A segunda edición do Denosiñas Rock contará con cinco grupos, todos da comarca barcalesa, excepto os santiagueses Pito de Pikasso. O encargado de abrir o concerto será o artista bañés Xan Solo. Formado na escola de teatro Espacio Aberto, o seu proxecto fin de estudos “Cancións Informais” da lugar a unha maqueta co mesmo nome na que tamén participan os músicos Justo Lera e Eduardo Recarey. A mediados do 2009, Xan forma a súa propia banda, a “Xan Solo Van”, grabando unha nova maqueta do que se convertirá no seu segundo disco “Un lánguido poema arde”.

Tras Xan Solo subirá ao escenario de Chans a banda barcalesa Marmota Phil. Tras un par de concertos no 2005, a banda reestructúrase no seguinte ano para quedar formada por Manu, Óscar, Dani e Sergio. Esta formación graba a primeira maqueta de Marmota Phil no ano 2008, titulada “At the Stairs”, na que evidencian o seu cambio de estilo cara o rock indie.

Os santiagueses Pito de Pikasso serán o terceiro grupo en pisar o escenario do Denosiñas Rock. Finalistas do festival Nsaio no Camiño no ano 2007 coa súa maqueta “El sentido está por venir”, esta formación xa compartiu concertos con bandas coma Def con Dos, Los Suaves, Siniestro Total ou Ruxe Ruxe. Milo, Schaal, “Aceite Johnson” Spinelli e Luko presentarán en A Baña os doce temas do seu primeiro disco, “Kraksh”, grabado este mesmo ano.

A temperatura irá subindo pasada a medianoite co regreso aos escenarios da banda bañesa Rockin’13. Tras dous anos de parón por motivos profesionais, Pancho, Esteban, Diego e Miguel retornan coa incorporación do baixista Rubén. Nados no ano 2003 baixo o nome “Provisional”, a banda grabou en 2005 a súa primeira maqueta, “Sin Aire para Respirar”, rebautizados xa coma Rockin’13. Coa baixa de Mario, o grupo prepara a súa segunda maqueta con Pancho e Diego nas guitarras, Rubén no baixo, Esteban na batería e Miguel na voz.

O peche do concerto corresponderálle á banda negreiresa Kaña de Herbas, formada no 2008 por Efrén na voz e na guitarra, Campos no baixo, Ricardo de Lula na guitarra solista e Vieito na batería e na percusión. Con menos dun ano enriba dos escenarios e coa incorporación de Maruko da Barquiña na trompeta, Kaña de Herbas prepara os temas da súa primeira maqueta tras triunfar no Festival Terra de Lugo.